တွယ်ငြိရင်ခွင်

ရွှေ့လျားမှု အချိန်ရဲ့ ဖြစ်တည်မှုက
ချစ်သူ့ ပုံရိပ်တွေကို
မပြောင်းလဲနိုင်ပါလား …
စွဲထင်ဆဲ ……………………….

ပြိုဖျက်ခြင်း စီးဆင်းမှုရေ အလျင်လည်း
ချစ်သူ့ ကျောက်စာတွေကို
မတိုက်စားနိုင်ပါလား …
တည်ရှိဆဲ ……………………..

လင်းလက်ကကွက် ညကဗျာလည်း
ချစ်သူ့ ရင်ငွေ့ကို
မလွှမ်းမိုးနိုင်ပါလား …
နွေးထွေးဆဲ ……………………….

ရွှေ့လျားဆဲ ရာသီရိုင်းတွေရဲ့ မုတ်သုန်
ကမ်းနဖူးပေါ် ငေးရီညိုတဲ့ နေ၀င်စီးဆင်းခြင်း
ညကဗျာရဲ့ ကြယ်မစုံကြွေလွင့် ကကြိုးမှာ
တစ်ယောက်တည်း ခရီးနှင် …
ကျိုးကြေဆဲ ………………………။

ဆက်ဖတ်ရန်...

မူလသို့...

မျှော်လင့်......၀ိုးတ၀ါး

လင်းသည့်နံနက် ရောင်နီတက်ဝယ်
ဦးဆုံးမြင်မိ စိတ်ဝယ်သိသည်
ချစ်သူ့ ပုံလွှာ မြင်မိပါလည်း
(သူ) ပျော်ရွင်ပါစ လွမ်းပါစ .....

လွမ်းဖျားညနေ တမ်းတစေမှီ
မျှော်ရည်ရာမှန်း ချစ်သူလွမ်းနေ
သိမှသိလေ စိတ်ထဲပွေသည်
မမျှော်လင့်နိုး မျှော်ရည်ကိုး .....

ဝေးနေရက်မှာ တမ်းကဗျာရေး
ရင်ထဲအလွမ်း ဖွဲ့တည်နွမ်းကို
ဘယ်လိုဖြေဖြေ မပျောက်ပေမဲ့....

အာရုံမိုးသောက် အလင်းရောက်လျှင်
ပြန်ဆုံမည့်ရက် နုတ်တစ်ရက်မို့
တထိတ်ထိတ်ခုန် ရင်အစုံမှာ
ကြည်နူးနေဆဲ လွမ်းနေမြဲ ...........။ ။

ဆက်ဖတ်ရန်...

မူလသို့...

ကြေကွဲ.....ဥယျာဉ်

ငါ့ရင်ဘတ် တစ်ခုလုံး
ပျိုးမိတဲ့ အလွမ်းတွေလေ
ကြိုသိမှတော့ ဘယ်သူပျိုးမလဲ .....

ဆည်းဆာရဲ့ ညနေတွေ
မြူတွေရစ်ဝိုင်းလို့ ရင်နင့်ခြင်းတွေ
ကြိုသိမှတော့ ဘယ်သူငေးမလဲ .....

လမ်းခွဲခြင်းရဲ့ ကဗျာအို
ကြေကွဲကွဲ မခမ်းနားတေးကို
ကြိုသိမှတော့ ဘယ်သူရေးမလဲ …..

ချစ်သူရဲ့ တွဲခိုမျက်ရည်စ
နှလုံးသား မငိုစေလို
ကြိုသိမှတော့ ဘယ်သူချစ်မလဲ .....

မပျိုးခဲ့ပါဘူး အလွမ်းတွေ အတွက်
မငေးခဲ့ပါဘူး ရင်နင့်ခြင်းတွေ အတွက်
မရေးခဲ့ပါဘူး လမ်းခွဲကဗျာတွေ အတွက်
မချစ်ခဲ့ပါဘူး ငိုကြွေးခြင်းတွေ အတွက်
…..
…………..
ခုတော့ ..
ရင်တစ်ခုလုံး အထီးကျန်
ကျွန်တော့လက် ကျွန်တော် ဆွဲလို့
ဘယ်သူ ငိုကြွေးမလဲ …………………။ ။

ဆက်ဖတ်ရန်...

မူလသို့...

ကိုမင်းလူ ၏ ဘာမှမဟုတ်ဘူး

ရုပ်မြင်သံကြားမှ ဘောလုံးပွဲ အစီအစဉ်များကြားတွင် လာတတ်သော စီးကရက်ကြော်ငြာတစ်ခုထဲတွင် လမ်းပေါ်က ရေအိုင်ကို မော်တော်ကားဖြတ်မောင်းသွားသောအခါ ဘေးမှ လျှောက်သွားသော မ်ိန်းကလေးတစ်ယောက်ကို ရေတွေ စင်သွားသည်။ ရုပ်မြင်သံကြားထဲမှာတော့ အတော်လှပသည့် မြင်ကွင်းကလေးဖြစ်သည်။

တကယ့်အမြင်မှာတော့ ရေတွေဖွာကနဲ လွင့်စင်သွားပုံက လှပသော်လည်း မြင်ကွင်းက မလှပါ။ ကားမှတ်တိုင်မှ စောင့်နေသူတွေ ရေကိုရှောင်ရင်း ရုတ်ရုတ်သဲသဲ ဖရိုဖရဲဖြစ်သွားကာ၊ လမ်းဘေးမှာလျှောက်လာသော ကျောင်းဆရာမ တစ်ယောက်၏ အကျီင်္အဖြူမှာ ရွံ့ရေစက်တွေ စင်ကုန်တာ ၊ကျောင်းသူလေးတစ်ယောက် ရေစင်မှာစိုးလို့ ရှောင်တိမ်းရင်း ချော်လဲတာ စသည့်မြင်ကွင်းများသည် တွေ့ဖန်များလို့ ရိုးတောင်နေပြီ။

တစ်ခါက ကျွန်တော်မြင်လိုက်ရသော မြင်ကွင်းကတော့ ပုံမှန်ထဲကတစ်ခုဖြစ်သည့်တိုင် ၀မ်းနည်းစရာ ကောင်းသည်ဟု ထင်မိ၏ ။ ဆလွန်းကားအသစ်တစ်စီးသည် တလှစ်လှစ်မောင်းလာသည်။ ရှေ့က ကားတစ်စင်းကို ဟွန်းသံတတီတီပေးပြီး လမ်းတောင်းသည်။ ရှေ့ကားက ဖယ်မပေး။ ထိုအခါ ဆလွန်းကားလေးက လမ်း၏ညာစွန်ယာဉ်ကြောမှ မရရအောင်ကျော်တက်သည်။ မိုးရွာပြီးစ ဖြစ်သဖြင့် ပလက်ဖောင်းနှင့်ကပ်လျက် လမ်းပေါ်တွင် ရေတွေအိုင်ထွန်းနေသည်။ အရှိန်ပြင်းစွာ ဖြတ်မောင်းသဖြင့် ရေများသည် မော်တော်ကား ဦးပိုင်းမှ ဖြာထွက်သလို လှပစွာ လွင့်စင်သည်။

ကားမောင်းသူမှာ ချောမောလှပသော အမျိုးသမီးတစ်ဦး ဖြစ်၏။သူသည် ယောင်္ကျားနဲ့ စိတ်ဆိုးလာသလား ။ ချစ်သူနှင့် ချိန်းထားတာနောက်ကျ နေလို့ အလျင်လိုနေတာလား မသိ။ ကားကို နည်းနည်းမှ အရှိန်မလျှော့ဘဲ ဆက်မောင်းသွားသည်။ နောက်မှာ ဘာဖြစ်ကျန်ခဲ့သည်ဆိုတာကိုလည်း အမှတ်ထားဟန်မတူ။ ဖြစ်ပုံကတော့ ရေအိုင်ကို အတင်းဖြတ်မောင်းသဖြင့် ဖွားကနဲ ထွက်လာသော ရွံ့ရေများသည် ပလက်ဖောင်းပေါ်မှ လျှောက်လာသော သီလရှင်တစ်ပါးကို ရွှဲရွှဲစိုသွားစေခြင်းပင် ဖြစ်သည်။စောစောက ဆလွန်းကားအသစ်ကလေးသည် သိန်းရာချီ တန်လိမ့်မည်ဟု ခန့်မှန်းမိ၏။

ညက စာရေးနေတုန်း ရုတ်တရက် မီးပျက်သွားသဖြင့် အရေးပေါ်မီးအိမ်ရှာရန် အိမ်ရှေ့သို့ ထွက်လာခဲ့သည်။ မှောင်ကြီးမည်းကြီးမို့ ကုလားထိုင်တစ်လုံးကို မမြင်ဘဲ ၀င်တိုက်မိ၏ ။ ဒူးခေါင်း နည်းနည်းနာသွားသော်လည်း သိပ်မဖြစ်လောက်ဘူးဆိုပြီး အမှတ်တမဲ့ နေလိုက်သည်။ မနက်ကျတော့ ဒူးက နည်းနည်းယောင်လာ၏ ။ အရွတ်နေရာကို ခုံစောင်းနှင့်ထိမိပြီး ဒဏ်ဖြစ်သွားဟန်တူသည်။ ခြေထောက်ကွေးလိုက်လျှင် တင်းပြီးနာနေသည်။ ညနေဘက် ပုံမှန်လမ်းလျှောက်ချိန်ရောက်လာတော့ ဒီနေ့ နားလိုက်လျှင်ကောင်းမလား၊ ခြေထောက် လမ်းမလျှောက်နိုင်လောက်အောင် နာနေတာတော့မဟုတ်၊ဖြေးဖြေး ထိန်းလျှောက်လို့ ရသည်။ ပြီးတော့ လိမ်းဆေး တခုခုလည်းဝယ်ချင်သည်။ ထို့ကြောင့် လမ်းလျှောက်ထွက်လာ ခဲ့သည်။

လမ်းမှာပင် ကားတစ်စင်းပျက်နေတာတွေ့သည်။ စက်နှိုးမရခြင်း ဖြစ်သည်။စတတ်တာ မော်တာမွှေ့သံကို ခပ်လှမ်းလှမ်းကပင် ကြားရသည်။ အသံဝပ်နေသဖြင့် မော်တာပင်ကပ်နေသလား၊ဘက်ထရီပဲအားနဲနေသလား။ ဒါမျိုးဖြစ်လျှင် စက်နိုးဖို့ တစ်နည်းပဲရှိ၏ ။

``ဒီမှာ ……….ဒီမှာ ´´ ကားနားက အဖြတ်တွင် ကားမောင်းသူက လှမ်းခေါ်သည်။ကျွန်တော် ရပ်လိုက်၏။ ``ကားနည်းနည်းလောက် တွန်းပေးပါလားဗျာ၊ဘီးလိမ့်ရုံဆို နိုးနိုင်ပါတယ်´´
ဒါတော့ မဖြစ်နိုင်။ ကျွန်တော် ဒူးခေါင်းက ဖြေးဖြေးလျှောက်ရုံလောက်သာရမည်။ ကားတွန်းတယ်ဆိုတာက အားစိုက်ပြီး ခြေကန်တွန်းရမှာဆိုတော့
``ဆောရီးပဲဗျာ…..ကျွန်တော်ခြေထောက် နာနေလို့ပါ´´

ကားမောင်းသူ၏မျက်နှာထားမှာ ရုတ်တရက်ပြောင်းလဲသွားသည်။ စောစောကလို အောက်ကျို့ အကူအညီ တောင်းတာမျိုး မဟုတ်တော့။ကျွန်တော်ခြေထောက်များကို မသင်္ကာသလို ကြည့်သည်။ ခြေထောက်နာနေတယ်ဆိုပြီး လမ်းလျှောက်နိုင်သလား ဆိုသော အမူအရာမျိုး၊ကျွန်တော်အနေဖြင့် အမှန်တကယ် ခြေထောက်နာနေခြင်းဖြစ်ကြောင်း ယောင်နေသောဒူးခေါင်းကို သက်သေခံအဖြစ် လှန်ပြစရာမလိုသဖြင့် သူ့ကို အားနာပြုံးပြုံးပြ ပြီး ဆက်လျှောက်လာခဲ့၏။နောက်ဘက်မှ တောက်ခေါက်သံ လိုလိုကြားရသည် ။သူသည် ကျွန်တော့်ကို လူမှုရေးမသိတတ်သူ တဖက်သားကို ကူညီရိုင်းပင်းလိုစိတ် ခေါင်းပါးသူဟု ထင်သွားသည်မှာသေချာသည်။

ထိုစဉ်မှာ ကျွန်တော်ခေါင်းထဲ အတွေးတစ်ခုဝင်လာသည်။ ထိုသူသည် နေ့စဉ်နှင့်အမျှ မော်တော်ကားနှင့် သွားလာနေခဲ့လိမ့်မည်။ လမ်းတလျှောက်တွင် တုန်ချိ တုန်ချိလျှောက်သွားနေသော သက်ကြီးရွယ်အိုများ၊ ကားမှတ်တိုင်တွင် နွမ်းလျစွာ ရပ်ရင်းကားစောင့်နေသော ကိုယ်ဝန်ဆောင်အမျိုးသမီးများ၊ကျောင်းမမှီမှာစိုး၍ ဘတ်စ်ကားလားရာဘက်ကို လည်တဆန့်ဆန့် မျှော်နေသော ကလေးငယ်များကို မြင်မိမှာ သေချာသည်။ ထိုသူများကို လူမူရေး၊အသိစိတ်ဓ်ါတ်ဖြင့် သူ့ကားပေါ်ခေါ်တင်သွားတာမျိုး တစ်ခါမှရှိခဲ့ဖူးမည် မထင်ပါ။ ထိုသူများကလည်း သူ့ကို အပြစ်တင် ရှုံချသော မျက်လုံးများဖြင့် တစ်ခါမျှ ကြည့်ဖူးခဲ့လိမ့်မည် မဟုတ်ပါ။

တစ်ယောက်ယောက်က လမ်းမသိလို့ ၊အိမ်မသိလို့ မေးသဖြင့် လမ်းညွှန်လိုက်ရတာမျိုး တစ်ခါမဟုတ်တစ်ခါ ကြုံဖူးကြလိမ့်မည်။ မြန်မာလူမျိုးဆိုတာကလည်း ဒီလိုကူညီတာမျိုးကို သိပ်ဝါသနာပါတတ်သည်။ တချို့ဆို လမ်းညွှန်ရုံသာမက လာ ကျွန်တော်လိုက်ပြမယ်ဆိုပြီး အိမ်တိုင်ယာရောက် လိုက်ပို့သည်။ ဒါတွင်မက ``ဘယ်သူရေ ဧည့်သည်လာတယ်ဟေ့ ´´ဟု လူကိုပါခေါ်ပေးတတ်သည်။ ဒါကြောင့်လည်း ကမ္ဘာလှည့်ခရီးသည်တွေက မြန်မာပြည်ရောက်လျှင် မြေပုံမပါရင်တောင် လမ်းမှာမပူရဘူးဟု ချီးကျူးလေ့ရှိ ကြခြင်းဖြစ်သည်။

ကျွန်တော်လည်း မြန်မာပီပီ ဒါမျိုးကို ၀မ်းမြောက်ဝမ်းသာ ကူညီတတ်သူဖြစ်သည်။ လမ်းညွှန်ရာတွင်လည်း ကွမ်းယာဆိုင်ဘေးကအိမ်ပဲ၊အိမ်ရှေ့မှာ ဘာပင်ရှိတယ်ဆိုတာမျိုး အသေးစိတ်တိတိကျကျ ပြောတတ်ပါသည်။

သို့ရာတွင် တစ်ခါတလေတော့ ကသိကအောင့် ဖြစ်ရတာမျိုး ကြုံရတတ်သည်။ အထူးသဖြင့် ကားနှင့်လာသူများဖြစ်၏။ သူတို့က လမ်းမသိလို့ မေးတဲ့အခါ ကားပေါ်ကမဆင်းဘဲ မေးတတ်ကြတာများသည် ကိုယ့်ဘေးမှာ ကားလာရပ်ပြီး မေးတာမျိုး လှမ်းအော်ပြောလို့ ကြားနိုင်တဲ့ အကွာအဝေးမျိုးဆိုလျှင် ကိစ္စမရှိ။ တခါတလေကျတော့ ကိုယ်ကလက်ဖက်ရည်ဆိုင်မှာ ထိုင်နေတုန်း လမ်းပေါ်ကနေ ကားရပ်ပြီး လှမ်းမေးသည်။ တချို့ပုဂ္ဂိုလ်တွေ ကျတော့ ကားပေါ်ကဆင်းရလျှင် သိက္ခာကျတယ်ထင်သလားမသိ။ လှမ်းပြီးလက်ယပ် ခေါ်တတ်သည်။ ကူညီလမ်းညွှန်ပေးရမယ့် လူကပဲ သူဆီမျက်နှာလို မျက်နှာရ ပြေးသွားရမည့် အပေါက်မျိုး။

ထိုအခါမျိုးတွင် ကျွန်တော်ကလည်း ``ခင်ဗျားဆင်းလာခဲ့ပါလား´´ဆိုသောသဘောဖြင့် ပြန်ပြီးလက်ယပ် ခေါ်လိုက်သည်။ အများစုကတော့ သူတို့အမှတ်တမဲ့ဖြစ်သွားတာကို သတိရပြီး အားတုံ့အားနာ မျက်နှာဖြင့် ဆင်းလာတတ်သည်။ တစ်ယောက်တလေကတော့ ခပ်စိမ်းစိမ်းကြည့်ပြီး မောင်းထွက်သွားတတ်ကြ၏။

တစ်ညနေမှာတော့ ကျွန်တော်လမ်းလျှောက်ထွက်စဉ်ဘေးမှာ ကားတစ်စီးထိုးရပ်လာသည်။ ဒရိုင်ဘာက လမ်းနာမည်တစ်ခုကိုမေးသည်။ ကျွန်တော်တို့ဘက်မှာ ဒီလမ်းနာမည်မျိုးမရှိ။တခါတရံ ရပ်ကွက် နံမည်ချင်း ခပ်ဆင်ဆင် ဖြစ်နေသဖြင့် မှားပြီးလာမေးတတ်တာမျိုးရှိ၏ ။ ရပ်ကွက်သေချာအောင်
မေးမည်အပြုမှာပင်နောက်ခုံမှာ ထိုင်နေသော မိန်းမကြီးတစ်ယောက်၏ ဖွေးဖွေးဖြူသောမျက်နှာ သည် ကားပြူတင်းမှာ ကိုယ်ထင်ပြလာပြီး

``ဆရာကြီးအိမ်လေ ၊ ဆရာကြီးအိမ်´´ သူ့မျက်နှာအမူအရာမှာ ခုလို ပြောလိုက်ရတာကို တော်တော် အရသာတွေ့နေပုံရ၏ ။ ထို့ကြောင့် ကျွန်တော်လည်း

``အော် ..ဆရာကြီးအိမ်လား၊ဒီကနေ တည့်တည့်သွားပြီး ညာဘက်ချိုးလိုက်၊ ဓမ္မာရုံတွေ့လိမ့်မယ်။ အဲဒီနားကျတော့ နိဗ္ဗာန်ဆော်ကြီး အဘနန်းအိမ် ဘယ်အိမ်လဲလို့ မေးကြည့်၊ လူတိုင်းသိပါတယ်´´ဟု ပြန်ပြောလိုက်သည်။ မိန်းမကြီး၏ မျက်နှာသည် တစ်မျိုးပြောင်းသွားပြီ ။

``အဲဒီ ဆရာကြီးမျိုးကို ပြောတာမဟုတ်ဘူး´´

ဟု ခပ်ဆတ်ဆတ်ပြောသည် ။ ထို့နောက် ``မောင်းတော့ ၊မောင်းတော့´´

ဟု အမိန့်ပေးလိုက်၏ ။ကားဒရိုက်ဘာလည်း ကားကိုဆောင့်ကြီးအောင့်ကြီး မောင်းထွက်သွားသည်။ ကားနောက်ခန်းထဲမှာတော့ ရွှေရောင်ငွေရောင် ပန်းပွားတွေ ရစ်ပတ်ထားသော လက်ဆောင်ခြင်းကြီး တစ်လုံး ၊နံမည်ကြီးကုန်တိုက် တံဆိပ်ပါသော ဆွဲအိပ်တွေသုံးလေးလုံး နှင့် လှိုင်းတွန့်ပုံစက္ကူပုံးကြီး တစ်လုံးတို့ကို လှမ်းမြင်လိုက်ရ၏ ။

ကျွန်တော်ပြောလိုက်တာ ဘာများမှားလို့လဲ ။ အဘနန်းဆိုတာ အသက်ကိုးဆယ့်ခြောက်နှစ်ရှိပြီ။
ဒီရပ်ကွက်ထဲမှာ သူ့ထက်ကြီးတဲ့ ဆရာကြီးရယ်လို့ ရှိမှမရှိတာပဲလေ ။

ကျွန်တော် မအားလပ်တဲ့အချိန်တွေ မှာ လာလည်ကြသူများ အတွက် ကိုမင်းလူ ရေးတဲ့ ``ဘာမှမဟုတ်ဘူး´´ ဆိုတဲ့ ရသစုံစာပေလေး ကို ဝေငှလိုက်ပါတယ်။ ကျေနပ်ပါနော်........

ဆက်ဖတ်ရန်...

မူလသို့...

အိပ်မက်

ည နက်နက် ပန်းချီကားမှာ
လ ကွေးကွေးလေးက အမြင့်မှာ စံနေ …

လေ အသော့လေးမှာ
နှင်း ပ၀ါဖြူတွေ တလွင့်လွင့် …

ကြယ်ဖြူ ပွင့်လေးတွေက
ဟိုသည်တစ်စ ပြုံးစစ နှင့် ….

ဝါကြည်လင်းတဲ့
မြေနံသင်း လမ်းလေးမှာ

ချစ်သူရဲ့ ပခုံးတွဲမှီ
ကြည်နူးရယ်သံ လွင်လွင်နဲ့

မမောတမ်းလျှောက်သည်
ည ရိပ်ကွယ်ပျောက် တစ်မိုးမသောက်မှီ ။

ဆက်ဖတ်ရန်...

မူလသို့...

ချစ်သူ

ကျွန်တော် ကြိုက်နှစ်သက်သော`` ချစ်သူ ´´ဆိုတဲ့ သီချင်း လေးနဲ့ 2008ရဲ့ ပို့စ် အသစ်ကိုစတင်လိုက်ပါတယ်…

``ချစ်သူ´´ ဆိုတဲ့ သီချင်းလေးကို စာသားလေးရော ..သံစဉ်လေးပါ အရမ်းကိုနှစ်သက်မိပါတယ.်……

အဲဒီသီချင်းလေးကိုအရင်က နေမျိုးဆေး သီဆိုတာကြားဖူးပါတယ်….ခုတလော မျိုးကျော့မြိုင်နဲ့ Lလွန်းဝါ တို့က ပြန်လည်သီဆိုထားတာ ကိုနားထောင်ကြည့်မိပါတယ်..အဲဒီ အဆိုတော်နှစ်ယောက်ရဲ့ သီဆိုမှုကို နှိုင်းယှဉ်ကြည့်လိုက်တော့ နှစ်ဦးစလုံးဆိုတာ ကောင်းပါတယ်။

ဒါပေမယ့် သေချာ နားထောင်ကြည့်တဲ့အခါမှာ ကျွန်တော်ကတော့ ကိုမျိုးကျော့မြိုင်ရဲ့သီဆိုမှုကို ပိုသဘောကျမိပါတယ် သူရဲ့သီဆိုဟန်ကပိုပြီး ရင်ထဲက ခံစားချက်ကို ပေါ်လွင်ပြီး အသံအနိမ့်အမြင့် အတက်အကျလေး အရမ်းကောင်းပါတယ် …ရင်ထဲက တကယ့်ခံစားချက်လေးလားလို့ တောင်ထင်မိတဲ့ အထိပါပဲ…….အားလုံးနားထောင်ပြီး ကျွန်တော်နဲ့ အကြိုက်တူ မတူ ခံစားနားဆင် ကြည့်လိုက်စို့နော်………..

သီချင်းစာသားလေး ကတော့…….

ဘယ်အချိန်ခါမဆို….ထာဝစဉ်အပြုံးရွှင်…နေတတ်တဲ့ ကိုယ့်ချစ်သူ…

တခါါတခါ သူ.....စိတ်တိုင်းမကျတောင် အစဉ်..အားပေးတတ်တဲ့သူ…

ကိုယ်ပျော်ရင်…သူလည်းပျော်တယ်…ကိုယ်ငိုရင် သူလည်းငိုမယ်…....

တခါတလေများ…………အပြင်..... ပြဿနာတွေ...ယူလာမိ...သူစိတ်မချမ်းသာအောင် .....

ပြန်လည်တွေးတိုင်း…သနားလို့လာတယ်…ဘယ်သူနဲ့မှမတူဘူး …. …......

အနိုင်ယူတတ်တဲ့.....ကိုယ့် တစ်ယောက်ကိုကွယ်…..ခွင့်လွှတ်ရင်း ..အမြဲဂရုစိုက်တတ်တဲ့....ကိုယ့်ချစ်သူ…..

ဘယ်အချိန်ခါမဆို……ကိုယ့်အနားမှာ အစဉ်ရှိ တဲ့ ကိုယ့်ချစ်သူ..... ကြာလာလေလေ..... ပိုချစ်လာလေ

တကယ်ပြည့်ဝလွန်းတဲ့သူရယ်……..သူပျော်ဖို့……ရှေ့တန်းတင်မယ်...ဒီသီချင်းလေး နဲ့ ကိုယ်တောင်းပန်မယ်…

သူနေချင်တဲ့ဘ၀မျိုးမှာ…..အတူနေနိုင်ဖို့ ကိုယ်လေ ..ကြိုးစားမယ်……..

ဒီသီချင်းလေး….သူ့အတွက်ဆိုမယ် …ကြင်နာတတ်တဲ့သူ့အကြောင်းတွေ........

ပြန်လည်တွေးတိုင်းသနားလို့လာတယ် …..ဘယ်သူနဲ့မှ မတူဘူး……

အနိုင်ယူမိတဲ့ ကိုယ့်တယောက်ကိုကွယ်….. ………..ခွင့်လွှတ်ရင်း…… အမြဲဂရုစိုက်တတ်တဲ့…… ကိုယ့်ချစ်သူ

ဘယ်အချိန်ခါမဆို…… ထာဝစဉ်ပြုံးရွှင် နေ တတ်တဲ့ကိုယ့်ချစ်သူ

တခါတခါ သူစိတ်တိုင်းမကျတောင် အစဉ် အားပေးတတ်တဲ့ .....သူ……….

ကိုယ်ပျော်ရင်သူလည်းပျော်တယ်…ကိုယ်ငိုရင် သူလည်းငိုမယ်…

တခါတလေများ အပြင် ပြဿနာတွေ ယူလာမိ……… သူစိတ်မချမ်းသာအောင်

ပြန်လည်တွေးတိုင်း…သနားလို့လာတယ်…ဘယ်သူနဲ့မှမတူ ဘူး........ ၀ူး …

အနိုင်ယူတတ်တဲ့ ကိုယ်တစ်ယောက်ကိုကွယ်…..ကြင်နာတတ်တဲ့သူအကြောင်းလေး...ရေး

ဒီသီချင်းလေး......မင်းအတွက်ဆိုမယ်.....ခွင့်လွှတ်ရင်း အမြဲ ဂရုစိုက်တတ်တဲ့ ကိုယ့်ချစ်သူ..

ပြန်လည်တွေးတိုင်း…သနားလို့လာတယ်…ဘယ်သူနဲ့မှမတူဘူး …...

အနိုင်ယူမိတဲ့ …ကိုယ်တယောက်ကိုကွယ် …..ကြင်နာတတ်တဲ့သူ့အကြောင်းလေး......

ဒီ သီချင်းလေးကတော့ မျိုးကျော့မြိုင်သီဆိုထားတာပါ။

Myo Kyawt Myaung 's Chit Thu

ဒါကတော့  Lလွန်းဝါ သီဆိုထားတာဖြစ်ပါတယ်။

L Lon War's Chit Thu

ဆက်ဖတ်ရန်...

မူလသို့...