အလွမ်းယောင်ဆောင်တဲ့ တိမ်တိုက်

နှင်းဖြူနုတွေ လွှမ်းခြုံတဲ့
ငါ့ …. ယုံကြည်ရာ တိမ်တိုက်
နင့် လွင့်မျှောရာ ပြာလဲ့ကောင်းကင်
နေညိုချိန် တွေ မကုန်စေချင်ခဲ့ဘူး

မှိန်ဖျော့ရာသီ ညနေရီအောက်
ငါ မပိုင်တဲ့ နင့်ဆီက
ကျန်ခဲ့ခြင်း ကို ကြိုတွေးပေမယ့်
နင့်ခြေသံတွေ တိတ်ဆိတ်လွန်းတယ်

တည်မှီရာ စိတ်အလွမ်း
လေနုအေး အဝှေ့မှာတောင်
တဖျက်ဖျက်ခုန်တဲ့ ရင်အခန်း
နင် ထွက်သွားရာ အပြန်လမ်းဆီက
ရွက်ဝါကြွေပေါ် ဖြတ်မလျှောက်ရက်ဘူး

နင့် ခြေရာ အကြွင်းတွေ ပေကျံနေတဲ့
ဗလာ မဟုတ်တဲ့ ရင်ထဲက
မျက်ရည်စ တစ်ချို့တစ်ဝက်ကို
နင် သတိမှ ရ မိ ရဲ့ လား

ခုတော့
ငါ မပါတဲ့ လွမ်းတတ်ရာတိမ်တိုက်
နင် ပျံသန်းရာကောင်းကင်
အနောက်တောင်ဆီက မိုးတော့
မညို့လောက်ဘူးထင်ရဲ့ ။ ….။